本來諗住exam完左先再出文，但琴日聽到新聞話政府諮詢收垃圾費，我真係忍唔住。唔知點解聽到呢樣野就好似班高官係度同我地呢d赤貧嘅小市民講＂無飯食牙？食蛋糕啦！＂。
係！香港人唔環保、浪費係出左名。但係到底點解會咁呢？呢個係教育同選擇嘅問題係嘛我覺得！早排先話推環保垃圾分類，我真係無乜見過政府做左d乜出黎。公屋每楝大廈只有地下有3個咁大把嘅分類回收筒，每層樓只有一個公用垃圾桶。我覺得果d搭鋁罐紙皮嘅阿婆比較環保囉！君不見果d窮到搭荒為生嘅老人，成屋堆滿垃圾唔捨得丟，有無諗過點解？會展開show排隊位、年宵之後，點解會有咁多垃圾一地都係？香港咁細，遊客區滿街垃圾筒，政府打算點做？收埋d垃圾筒唔放出黎，好似台灣咁防止市民掉垃圾出街嗎？點解唔學左人地d環保教育先？香港咁多高樓大廈，唔好話全部啦！一半or小半人，就咁係窗口丟垃圾出街，到時一街都係垃圾，係咪打算增加就業空缺先（掃街）？人地日本台灣，好多時d洗頭水、沐浴露呀果d可以好容易買到refill裝refill再用，香港唔係無，係差唔多無refill賣囉！點解呢？
唔好講遠，剩係我住緊果度，隔離屋都可以厚住面皮將d唔要嘅傢俬就咁放出lift口而唔搬去樓下垃圾站，樓上成日有人掉垃圾落黎，正正樓上果家人仲係咁開水喉洗窗添！如果真係要收垃圾費，我相信我住果區會更貧民，真係唔敢想象。
點解會變成咁呢？因為香港人多左，教育少左？每日批咁多人落黎，有幾多已經習慣晒強國嘅生活方式而又無教育無品？政府嘅環保教育又有做左幾多？ 香港本土長大果批都唔好得去邊，睇下上次書展排完隊之後嘅場面，真係想打鑊佢地。
